"Таныстыратын сәт". Әнші Ернар Айдар алғаш рет отбасын көрсетті

Сымбат Сатыбалдина Журналист

Фото: instagram.com/ernaraidar_kz

Әнші Ернар Айдар алғаш рет отбасын көрсетті, - деп хабарлайды Tengrinews.kz тілшісі.

Өнерпаз отбасылық суреттерін Instagram желісіндегі парақшасына жариялады. Ернар Айдардың сөзінше, жарының есімі Мадина, екеуі екі қыз тәрбиелеп отыр екен.

"Алланың қалауымен, таныстыратын сәт келген сияқты. Бұл менің отбасым, Аллаға шүкір. Жан жарым, махаббатым - Мадина, мен (Мадош) деп атаймын. Үлкені, әжесінің қызы - Айшолпан 2-жастан асты. Кішкентайымыз Айым, әжесі Айым қара шайым деп атайды 1 жасқа толды", - дейді әнші.

Посмотреть эту публикацию в Instagram

Публикация от 𝔼ℝℕ𝔸ℝ 𝔸𝕀𝔻𝔸ℝ 🇰🇿 (@ernaraidar_kz)

Әншінің оқырмандары да таңданыстарын жасыра алмаған.

"Түсі келгеннен түңілме дегендей ақ келіннің түсі жылы екен бақытты ғұмыр тілеймін!", "Келіншегіңіз әдемі екен, бақыт тілеймін, қыздарыңыздың қызығын бірге көріңіздер", "Жаным, бауырым, тіл-көзден аман бол, отбасыңа амандық қуаныш тілеймін", - деп жазды әншінің оқырмандары.

Фото: instagram.com/ernaraidar_kz

Айта кетейік, әншінің шаңырақ құрғаны туралы жаңалық Желіде 2017 жылдың тамызында тараған болатын. Желідегі ақпаратқа сәйкес, әнші жасырын үйленген. Суреттер мен видеолар тарап кеткеннің өзінде әнші ресми мәлімдеме жасамаған еді.