Алматыда омикрон штамына байланысты зерттеу нәтижесі қашан шығады?

Сымбат Сатыбалдина Журналист

Фото: Тұрар Қазанғапов

Алматы қаласының санитариялық-эпидемиологиялық бақылау департаментінің басшысы, қаланың бас мемлекеттік санитария дәрігері Жандарбек Бекшин қаладағы омикрон штамына байланысты зерттеу қалай жүріп жатқанын айтты, - деп хабарлайды Tengrinews.kz тілшісі.

Алматы қаласының санитариялық-эпидемиологиялық бақылау департаментінің басшысы, қаланың бас мемлекеттік санитария дәрігері Жандарбек Бекшин қаладағы омикрон штамына байланысты зерттеу қалай жүріп жатқанын айтты, - деп хабарлайды Tengrinews.kz тілшісі.

Бекшиннің сөзінше, бүгінде қала бойынша омикрон штамына мониторинг жүргізіп жатыр.

"Мысалы 3 желтоқсанда Нұр-Сұлтанға 53 сынама жібердік. Ондағы мақсатымыз - сол сынамаларда омикрон штамы бар-жоғын анықтау. Бірақ созылмалы зерттеу. Нәтижесі екі-үш күнде дайын болуы керек. Сондықтан омикрон біздің елімізде анықталғанын немесе анықталмағанын айту ерте. 3 желтоқсаннан бері зерттеуде тұр", - дейді Бекшин ӨКҚ брифингінде.

Жандарбек Бекшиннің сөзінше, шетелден келгендер бүгінде арнайы қонақүйде карантинде жатыр. Одан бөлек, үй карантинінде жатқандар да бар.

"Омикрон" штамы: қазақстандықтарға маңызды 10 сұрақтың жауабы

Еске салайық, коронавирустың "омикрон" нұсқасын ДДСҰ сарапшылары "алаңдаушылық тудыратын" санатқа жатқызады, себебі оның құрамында патогеннің жасушаларды жұқтыруы үшін қажет S-ақуыздың 32 мутациясы бар.